04.02.2012 Horeschränzer Zermatt
Chalt chelter am chelstu. Mi nummu -22°C het der Umzug uf dum Bahnhofplatz gstartut. Chelti het doch epis güäts, wiär chennä im Umzug spielu und äs tehnt nid ämal so schlächt.Äntli und halb erfroru mim Chirchplatz acho, hei wär nisch churz in dnegscht bescht/warmscht Beiz verzogu. Baileys, Schnapskaffee, Mördertee und was such nu warums, alkoholischus gigä het, exu und schnäll zum negscht Üftritt bim Chirchuplatz.
Nach dä dri chirzuschtu Joopiliäder siwär diräkt in Chegulstuba, wa fascht alli zSpezialgitränk fam Feistu miässu/derfu testu hent. Bivors wider in Halla isch gangu, hei wär dank ischum Notuständer Pädi öi nu der Schluss fam Westerland super gspillt.
Z Fein Ässu was när Halla gigä het, het nisch där Nino spektakulär särviärt. Epis wenigär spektakulär hei wär dank där Limbo - Claudine di zweitletscht Üftrittszit vercho.
Bon's schnappu, Jungs süächu, uf Musikus wartu und de he wär im Exselsior ischä Sponsurüftritt ka. Dankä fär zTurne! Zrug inär Halla hei wär Party gmacht bis z Wasser va där Decki grunnu isch, und öi di Cristina mal widär het derfu duschu. (wiär hoffu där Chrigi het dini Dusch entfroru und dü chasch widär Däheimu di Dusch gniässu :-) )
Im 00.30h hewär z letscht mal fär das Wuchunänd ä churzä, intänsivä Üftritt ka.
Nahm Üftritt si wär de wahrschinli alli giduschti und nassi gsi, bis wär im Instrumäntudepot widär gfroru si. Bis am Morgund jedä schis Bett gfunnu het, is mit dä meistu nu längär gangu: Summi hent 2 Stundä inär schiss Chelti uf dä Zug gwartut, andri hent im flott warmu Hotelzimmär gschlafu und di wa uf dum normalu Wäg hent wellu heim ga, hent än anärsch heissi Bikannschaft mim Mister Pfäffärspray ka. Danke dä Horeschränzer fär di cool/hot Beachparty!!
See you am 10.02.2012 am Fasnachtsball z Randa...
