19.02.2011 Horeschränzer Zermatt
Am Samstag z Mittag am 12.30h heiwär eiguntli im Bahnhofbuffet abgmachts ka fer z Apero, und ganz eiguntli eu darum, fer dass de am 13.30h wirkli alli ufum Bahnhof sind... das mim Apero het zwar de nid giklappt, darfär der zweitusch Teil fast perfekt. Der randvoll Zug het in Zaniglas gad äs rächts Momäntji länger Üfenthalt ka wa normal, aber nid wägs iisch - wiär hei halt irgund äswiä miässu Sack und Pack in di Zwischuabteili prässu... Zum Glick heiwär eppis z trichu mitka, susch weris de no frii än Fahrt gsi. Z Meli hengi gad gäru eppis mineraligs ka, und fer das jehnschti Taktitkä und Plän gschmidut, vor barum Durst, aber ohni Erfolg. Z Zermatt achu, isch de zersch afa ämal ins Kiosk gsecklut.
Dann war alles gut - oder eu nid, will jetz chunt de gad der Umzug... In der Disziplin hei wiär ja bekanntlich scho längscht der Doktertitel... Ab 15.00h isch ei Guggumüsig na der andru d vollbsetzt Bahnhofstrass äbrüfgumzugut. Diräkt na der Massuverschiäbig vam Bahnhof zer Chircha het de jedi Guggumüsig äs Platzkonzärt ufum Chirchuplatz gigä. Zwischunddri hets äs Biärli zwei gigä und äs paar Bächerlini Jägertee (nicht zu verwechseln mit Glühwein!!!).
Derna heiwär nisch äs paar Drinks iner Chegulstuba gigignehmigt....
und bald druf is scho ap ind Halla fer Z Znachtässu und z Üslosu (Üsrollu) gigigangt. Ischä zweit Präsi, der Fabio het schi fer iisch zär Abwägslig mal ganz chlei gmacht, de is gad ringer zum Treelu gangu. Der Tschippi het z Fass samt Fabio mit anara ungleublichu Prässission durch d Halla gcheglut. Dank der super-Leistig heiwär än güäti Spilzit va 00.20h verwitscht.
Bis iner Halla richtig isch los gangu, siwär zum Papperla-Pub ga spilu (was jetz Mägi: spiläwär oder leufäwär???? :) Unner dum Spilu heiwär die Wischmoppe ufu Mund berchu, aber wieso wisswer bis jetz no nid... Egal. Wiär si derna widär ämum ind Halla, ga lüägä, wiä mu z Schiff cha zum Kentern bringu. D Stimmig iner Halla isch geladen gsi, äs bars Piratu halt... ischä Üftritt het schi leider ä bitz verschobu, appa so gad ä Stund na 00.20h heiwär de afa gspillt.
Mit der Super unnerstützig va dum Publikum, isch nisch der Üftritt eu ring gangu! Danke Publikum. Bis d erschtu am 03.30h ufa Zug gitorklu sind heiwär der Räscht vam Abu no bigossu....
Danke Horeschränzer fär d Iladig und di Super Party!!
See you am Samstag im Müsigball...
