20.02.2012 Gigimentag Labibini Turtmann
Mit herrlichum Wätter isch am 11.00h där Car fär uf Turtmann zwäggfahru. Summi sind de friiwillig am 12.45h mim Taxi nahchu und andri unfriiwillig, willsch vor dum Car gmärkt heint dasch där Rock duheimu vergässu heint (gäll Kerstin S.);-) Z Turtmaa achu, het de d erscht Gruppa nah dum Motto: Chillen, chillen Smirnoff killen inär Sunna uf d versterchig wa mim Taxi isch cho gwartut.
Scho bald is de mim Umzug losgangu - schrecklich di ganzu Konfetti im Gsicht... Umzug verbii, Instrumänti versorgu und nach dum Motto: Chillen, chillen Glühwein killen heiwär im Chreis ufum Bodu ghockt, mit där Lara Konfettischlacht gmacht und d Florina ufa Wäg ins Wältall bigleitut.
Wiä jedäs Jahr heiwär öi hiir no zwei Platzkonzärti ka. Zerschta mim Meyergässji und z zweita mim Schüälhüs. Da heiwär de zämu mit du Big-Beans äs supär Monsterkonzärt gspilt:-) Danke Big-Beans, isch genial gsi!!
Dernah heiwär nisch bis zum Üftritt am 22.50h, wiä eh und je, ini diversu Bare odär ins Zält verzogu. Öi mim letscht Üftritt va dischär Fasnacht (und leidär öi va än paar Mitglieder) heiwärs nomal so richtig la Krachu!!
Bis am 04.00h där Car nisch heimgibrungu het, heit summi afa än Powernap im Depot gnu, Glogge gsüächt, eifach nur Party gmacht odär sind scho um 02.00h mit du Big-Beans heim.
Danke allu Joopini fär di supär Fasnacht und wiär hoffe das nisch ischi "Ehemaligu" öi inu negschtu Jahr no an äs paar Fäschti begleitunt - Danke!! Danke öi du Laaaaabibini fär d Iladig und di supär Party am Gigimentag, wiär chume immär widär gäru!!
See you moru mim Abschlussässu im Réserve...
