Am Samstag siwär am Namittag im eis im strahlundschtu Wätter äbrüf uf Terbul grollt. Ufum Platz heiwär zersch ämal än bitz Sunna gitankt und züäglüägt wiäsch iischi Harassa hent fertiggitrüchu...
Ditz Jahr siwär zer Abwägslig ämal nid d letschtu achu dank iischum erfahrnu Carchauffeur und si genau darum no vor dä Mangepan mit Spilu dra gsi... Schwein ka!
Na du Platzkonzärtu hent schi d verschidnu Guggumüsigä zu dä Aperofamiliä verumzugt. Wiär hei mim verumzugu natirli widär ämal giglänzt, aber äh, het fasch niämu gseh, und hoffuntli eu nid gad vil kehrt. Wiär si de iner Kurva mim Serge, der Melania und dum/der (?) stecku giblibu. Nach anama (grechisch) - nach ama (randeisch/zaniglasisch) - super Apero mit warmum Wii und Cheese heiwär zum Dank äs Paar Stuckjini zum bestu gigä.
Witär is de ins Hofji zum Monsterkonzärt gigangu. Auch wir waren dabei!!!!! :-)
Spetär iner Halla heiwär äs flotts zNacht gässu, fer nisch widär z sterchu, äs geid ja de hina no äs Momäntji... In der widär ämal grandios gschmicktu Halla hei wiär isch natirli wie zu Hause gfühlt! - Ds Thema heider genau fer iisch gitroffu, ganz nach unserem Geschmack! Mim Lossu/Looosu het der Nino mit schinum goldenen Händchen fer iisch di Zit 21.00h üsgitricht -- und es war gut so. Di Zweitu an dischum Abund heiwär iner Halla iischä Üftritt gigä.
Äs isch zwar no nid äso vill los gsi, darfer het schi de derna äswe d Halla no rächt gfillt. Uf du früäh Üftritt heiwär de natirli derna no miässu astossu, dadermit heiwär aber dum "Altu Riesu-Teil" nid wirkli än Freid gmacht. Tja, c'est la vie!
Bis der Car ämorgu am drii isch zwäggfahru fer heim,... Danke dä Toreros fär das flott Fäschtji und der super Tag!!
See you am Friitag mit du Sanpanchos zum Stäg...
