Um 17.30h isch där Car richtig Jamaica abgflogu. Mit zwei Zwischulandigä und amä Geburtstagsständli fär du Miggi Brichi siwär de äntli z Jamaica glandut. Inär Halla acho is de scho bald mit dum erschtu Spektakel dum Bobrännu losgangu. Ischä Viärerbob het nisch mit 20.9 Sekundä die Ziitä 20.45h bi där Chircha und 25.00h inär Halla üsser gholt.
Bis wär de zum erschtu Üftritt si gflogu het ischärs neu Schminkduo, d Manuela und z Kerstin S., widär wundärschöni Muschtär gipimslut. Z Platzkonzärt isch de ohni gressri Turbolänze ubär d Landebahn grollt.
Nach diversu Verpflegigä - feschtär odär flüssiger Art, güätär Unärhaltig va andru Guggumüsigä, verschidnu Tanzilagä und Notlandigä is de langsam aber sicher uf d Startbahn vam zweitu Üftritt gangu.
Nach dum Motto" wiär si zwar nimmä so vill, abär di Bühna isch gli volli! het där Käpten abgipfiffu und d Stuardess witärgfahru, dadurch isde än bitz längär gangu. Va barär hitz isch nisch sogar z Tribwärch üsgfallu und wiär hei fascht miässu notlandu. Abär schlimmer gehts immer!! Nach där Abchiälig anär Bar heint där Michi und där Nino widär üfgheizt... Ein Teufelskreis!
Nachär sindsch Heim - Tschau Ade Möööörci:-) Ah, abär z Päckli nid vergässu!
See you am Samstag z Höööööööööörbritsch...
