18.02.2011 Sanpanchos zum Stäg
Das lange warten hat ein Ende - äntli Friitag! Um 18.30h is losgangu, zämu mit du Big-Beans und ischum "liäblings Chauffeur" siwär uf Stäg gfahru. Unnena acho, heiwär no äs Momäntji Ziit ka fär nisch uf iischi Liäblingsbeschäftigung, DER UMZUG, vorzbereitu.
Oh, die Vorbereitig het apa nid glängt - 1,2,3,4 und de het där churz (!!) Umzug mitämu Mix va Rhytmussolo und Gloria agfangu - das kann ja heiter werden;-) Äntli z Visp acho - odär doch z Stäg (lüt där Strecki, man weis es nicht:-)), heiwär nisch ins Party- odär Disco-Zält verschobu. Di Ziit bis zu iischum Üftritt heiwär de mit altbekanntu Tätigkeite vertribu...
So is de öi zimli schnäll 23.20h gsi und wiär hei im Disco-Zält di Bühna gschtürmt. Imä vollu Zält ufera "vollu" Bühna sind de ischi Kläng inklusive ämu Posünuzug va där Bühna gflogu.
Nahm Üfrtitt sind de öi scho d erschtu Heim gangu. Där Räscht hets schi deno bitz la güät gah, bis de där Car zämu mit du Big-Beans und natirli ischum "liäblings Chauffeur" heimwärts gfahru isch. Merci du Sanpanchos fär d Iladig und das flott Fäscht!
See you gat bald z Zermatt...
