18.02.2012 Fasnachtsball Staldenried
Am 19.00h heiwär nisch im Monte versammlut fär gmiätli nu eis, zwei Glasjini z trichu, bivor das de um 20.00h im Bus die Party so richtig isch los gangu. Mit du räschtlichu Shots vam Feistu und där Müsig vam Hansrüädi heiwär zimli bald än supär Stimmig ka und Stalduriäd het chännu chu.
Obina achu heiwär de mit entsetzu ischi Üftrittsziit gseh - 02.30h und das mit nummu 4 Guggumüsige ( mu darf nid vergässu d Maschgiprämiärig geit 2h!). Das heiwär nisch dizmal nid la gfallu und sii ga Reklamiäru. Schliässli heiwär de "scho" am 01.30h derfu spilu - wiä immär d Stalduriäd als letschti Guggumüsig. Abär wiä heisst's so schön? Das Beste kommt immer am Schluss!! ;-) Bis wär de am 01.30h di Bühna hei grockt - heint schich summi unüffällig ufa Heimwäg gmacht (gäll Nino), isch di ganz Joopitruppa ufer Bühna am singu und tanzu gsi, heint schich summi als Maschgi präsentiärt odär heint äs Spil gmacht wa eigentli niämu gschnallt het (Finde den Schlingel! Där wa nu find gwinnt äs "Nacktässu" mim Mäggi).
Alles in allum is widär äsTOLLS Fäscht gsi!! Danke dum Jugendverein va Stalduriäd fär d Iladig und di TOLLU Maschgini;-)!!
See you spetär mim Réserve zum Abschlusskonzärt...
