13.02.2010 Fasnachtsball Staldenried
Ämabund am 20.00h is zwäg gangu: Iischi letscht Joopi-Reis va discher Fasnacht het mit anara abnormal kurvigu Carfahrt in Richtig Stalduriäd agfangu. Fer di Kurvä ä bitz gredär z nä, heiwär nisch scho im Car mit Jägermeister und andru luschtigu Sachä di Zit vertribu.
Da gseht mu jetz ämal, wiä flott wiär iischum Präsi losä: D Üffordrig vam Serge am Feistu Frontag: "Am Samstag gäbä wär nisch di Kanta!" het nummu einä äso richtig Äräscht gnu (gäll Schneeflocke!).
Iner Halla achu, heiwär nisch mit Hamburger und Co. verpflegt und gstercht fer du bivorstehund Abund... gad diräkt druf is mit Flüssignahrig witergangu - aber annersch!
D Maschguprämiärig isch ditz Jahr - wiä immer - sehr schnäll uber die Bühna gangu. Merci Speaker - ddS!!! Leider hent z Aggro- Kerstin und z Kestin kei Pries gigwunnu (der Gregor het gfehlt). Aber das isch keis Problem gsi - Chasch mi if you can.
Der MiggiBrichi het festgstellt, dass mu niä älleinig ani Bar geit ga bstellu, wills blöd üsgsehgä und d Nadia het mit entsetzu miässu gseh, dass jedes mal, wennsch eppis verbotus macht, der Securitas chunt..
Üsnahmswies heiwär hier z Stalduriäd ämal früä gspilt - ämorgund im 02.00h. Da wiär aber das va discher Fasnacht afu gigwonnti si, isch das fer iisch kein Problem gsi - summi sind bis de scho fascht widär erniächtruti gsi:-)
Ei Teil vaner Truppa isch de am 03.00h mim Car rückwärts di Kurvä widär ämab, der anner Teil isch traditionsgmäss mim Seili heim. Danke dum Jugendverein fer d Iladig und d super Üftrittszit!!!
Game Over - See you iner Fasnacht 2011...
