Am viärtul vor achti isch än rächt vollä Car Richtig Raron gfahru. Äs het widär genau glängt fär in d'Häppy-auer, aber di weri ja bis im dri gangu, gäll Felicitas. Bis zum Üttritt heiwer Hot-Shots mit sürum Kaffee und Kaffeesatz gässu (sind doch nit schlächt gsi, susch hengiwär nit so vil gitrüchu), Gummibärli bstellt doch di hets nit ka - de het schich d'Stephanie halt mit rotum Vodka und Red Bull miässu z fridu gä.
Öi die Partychreisä mit 10-jehrigu - ah nei sorry schi sind de doch scho 13-jehrigi gsi sind voll abgangu - also wiär si fär bessri Äuswieskontrollä :-). Natirli heiwär öi nu d andru Guggumüsigä unerstitzt u.a. die Balianos, die Blasboduboze und d'Sanpanchos. Diz Jahr ohni Saund-tschek aber immer nu ufär gross Bühna heiwär am halbi zwelfi isch alljährlich nit "so güät" Üftritt dargita - ligt das wohl am Züästand fane glaffnu Joopini?
Nichts desto trotz siwer nachär wider ani Bare gangu und hei witär Flüssigs z isch gno. Mim ässu hets am Schluss leidär än bits khapprut aber wiär hei ja scho mit de Hot-Shots gnüäg z chewu ka. Aber wemu am viärtel ab dri im Bus die Joopini gseh het, is doch än super, truper Abund gsi. In dischum Si, danke de Mesireccas!
Wiär gseh isch gat sofort z Terbul...
