19.30h - Äntli mal pünktlich siwär mim Car uf Randa gfahru. Z Randa acho heiwär de ischi Sache im "Ego-Depot" chännu versorgu und de is öi scho bald zär Üslosig cho. Da het de ischa Präsi währund 3min 34s (!!) bewissu das är abnormal Träffsichra isch und het nisch de die wunderbar Üftrittsziit vam morgu im 01.30h erkämpft.
Nah där Blamage het nisch de z Komitee bewissu das schi doch nid so schlächt sind und heint nisch mit irusch Gsangs- und Tanzilage begeischtrut.
Bis wär am 01.15h im Depot abgmacht hei ka, het ischi Guggumüsig där Jugendverei Randa zimli güät unnerstüzt. Odär wiso heint äch z mal di Glogge gmeit schi chenne fleigu odär het schich z Lavabo fär än Chotzchibul ghaltu? Keis Wunder isch där Üftritt dernah um 01.30h äs Desaster gsi.... Ganz nach dum Motto: Schlimmer geht's nimmer, heiwär än paar Stickär zum schlimmschtu gigäh und derbi trotzdem no z Publikum unnerhaltu:-)
Bis de am 03.00h där Car widär mal unpünktlich Richtig Zaniglas isch gfahru, heiwär nisch no der eint odär ander Drink genehmigt und hei där Abu la üsklingu. Danke dum Jugendverein va Randa fär d Iladig und die flott Party!!!
See you moru z Zaniglas im Müsigball...
