Nach anama schier ändlosu Wartu uf d füftusch Jahreszit is äntli äso wit gsi: Z erschtusch Fäschtji faner Fasnacht 10/11 het chännu startu!!!
D Iladig vam Mischi, mit imu im Imbodi zämu mit du Cholufrässer nomal än Bombu-Party z startu, heiwär natirli mit Freid agnu, und das no an dem super Datum: Freitag, der Dreite, ja was willt de da no meh!!!
Lüt "Kehrusägu" sind am Fritag am spetru Namittag zum Fiärabu-Biärli (oder so) scho d erschtu paar Stuck ins Imbodi igitrolät, und zum Teil appa gernät da giblibu… Der Räscht vaner Truppa isch de derna so nah und nah derzüä chu, bis de bis ämabu zä achtä äso zimli plusminusmalgiteilt alli am Ziel sind achu, vorüsgsetzt natirli, dasch darfär äswe gstartut sind… Tschippi.: Güäti Bessrig, güät Nacht und bis moru!
Und äso het än lustigä, gmiätlichä und rächt buntä Abu mit anama Hüfji bäd-giteistutu Maschginu und eis bis zwei Litärlinu Allokohl und zwei Ovomaltine schinä Löif gnu.
Abgwägslutswiis hent de di Guttrumüsigä, zersch eini und de d andra zweimal drii oder viär Liädjini gspilt.
Leider isch der Miggi Brichi scho vor ischum zweitu Üftritt ä bitz miädä chu, und so heiwär nu halt de mit Bedacht verlassen… in Betracht gelassen… ääh… überdacht belassen… mit Verdacht entlassen… also: är isch de afu heim.
Wenn mu ani baldig "Final-Poliziistund" vam Imbodi deicht, is klar, dass mu bis zum Schluss durch gwissi flüssigi Ifliss der eint oder anner nostalgisch Satz üfgschnappt het wiä "weisch no,…" oder "…ja das isch öi än güätä Abu gsi…".
ANNERSCH nostalgisch is öi mit zwei va iischu unikatu delikatu Exemplaru züägigangu. Obwohl de doch scho äs paar Jährchen zwischu denu zwei Foto liggunt, hentsch sus nid verlehrt, uf di genau glich charmant Art und Wiis irusch Zändjini z zeigu!
Merci dum Mischi und schiner Belegschaft fär der glungu Abu und an discher Stell öi äs riesugrossus Dankeschön fär diini Unnerstitzig währund du ganzu letschtu Jahr!!!
See you moru ufär Eschulalpa...
