Der Startschuss zär Fasnacht 2007/2008 isch gfallu! Am Namittag zä driju heiwär isch im Naherholigszentrum zum allzweijährlichu Grillplausch gitroffu. Z'Trichu und z'Ässu heiwär gottugnüäg ka, darfär aber nid wirkli alli Instrumänti...
Na du erschtu Drinks het ischä neu Präsi öi scho äs paar Plätzli und Wirscht gibrützlät und derzüä hets äs "Riesu-Salatbuffet" gigä. Äs het fär alli gnüäg ka...
Vor dum Dessert het schich der Partytisch Nr. 1 mit div. Spili wiä Fläschudreiju und "Tat oder Wahrheit" di Ziit vertribu. Va der richtig BH-Gressi bis zär Tortuschlacht isch eiguntli alles dra chu.
Äs isch nacher öi nimmä lang gangu, bis z Afro-Mätzgi jenseits von Eden isch gsi. Speteschtensch wa di Désa irusch "Tschonggär" intrunnig gigä het, het öi der Tingel-Tangel-Michi schinär Niderlag miässu ins Öig lüägu.
Total "beflügelt" va dem Wunderwärch siwär nacher fär ischärs Publikum, d'Neumitglieder und d'Analphabet-Joopini zwei bis drie ga spilu. Danke Sämi, dass durchghaltu hesch. Merci öi du imaginäru Bummä.
Derna is müsikalisch witär gangu mit dum Chörli Melodie, uner der Leitig vam Afro-Mätzgi und grosser Unterstitzig vaner Désa alias Tschonggär. Isch appa de doch nid gad alles gsi, z Agregat het de nid dschpat der Geischt üfgigä.;-)
Na der ganz müsikalisch Asträngig het de summu der Magu widär afa chnurru. Ischä Grillär het schich de zum Raclettestrichär umfunktioniärt. Na dum zweitu Üsfall vam Agregat isch de fär d'meischtu der Zitpunkt chu, sich ufu Heimwäg z'machu.
See you inär erscht Iäbig...
