Soooooo, am Samstag hent di Big Beans irusch 10-jehrig Jubiläum gfiirut, und di Guferjoopini hent bi dem Zirkus natirli gad hüäragäru mitgmacht!
Am halbi sägschi siwär mit dum Bussjicarli "Little Amadeus" - vollgipacktä bis and Welbi und unner die Blachä vam Ahänger- uf Grechu gikurvut. Nach anama fluchtartigu Üsstieg, will der Chauffeur unbedingt ab sofort widär schiis Carli fär schich älleinig het wellu ha und so schnäll wiä nummu megli der Blinnu het gnu, heiwär z erscht ämal alli än Cheltischock ka… -- üsser die Joopini, wa scho obana ufu Räscht gwartut hent, di sind scho gfrorni gsi. Fer nisch widär z empfreeru hent summi im Tüürlöifschritt in Rekordzit d Strecki vaner Post äbrüf ins Sportzentrum in Agriff gnu, der anner Teil het afa ämal iner Tenne derfir gsorgt, dasch di Zewä widär gspirunt. Kleiner Feigling und Express-Taxi Stalu-Grechu sei Dank - genau zer rächtu Zit fer z Nachtässu ischt öi der Räscht im Sportzentrum achu.
Lüt dem wiä di Tischa üsgseh hent, het das Znachtässu aber ehner scho us Flüssignahrig bstannu…
Als Negschtes is ant Üslosig vanu Üftrittszitä gangu. Der Tschippi het schich nah dem durchschlagundu fascht-Erfolg fa fähru fer isch gäru widär zer Verfiägig gstellt - und het schi bim Stüälspilti (wiär wissä immer no nimmä wiäs scho widär heisst) voll ins Zig gleit. Fär du Sieg hets gad um än Viärtul-Arschpaggu nid glängt. Umfall het dergägu hiir nummu der Stüäl gmacht, är isch nid gibrochu, aber starch gibognä! Mit Üslosu und Üstrichu und Üsdiskutiäru heiwär de am Schluss ischi Üftrittszit va ämorgu im 1.00h erfahru. Tschippi: Merci fär dinä Isatz und fer dini dizmalig Undisqualifikasssionne!
Na anara Rundi zwei umds Riesu-Halluzält vanu Bohnä hent summi de siänta doch widär durscht verchu - äs het aber gnüäg Bschittra ka und niämu het miässu verdurstä.
Und öi z Kehru hets gnüäg gigä mit du Darbiätigä vanu Guggumüsigä.
Alässlich vam Lublijiäjum vanu Bohnä het di kunterbunt Senioren-Clown-Bohnentruppe mit liächter Verspetig än kuuuuhlä Üftritt dargleit.
Zimli eppis na du einä si de öi wiär ändli aner Reiju gsi und äs het chännu los ga mit ischum erstu Bühnuüftritt vaner Fasnacht 10/11, und än Riesugspass heiwär uf jedä Fall ka, äntli d Manege z rocku! Gspass heiwär öi am Brichi Miggi ka, wa äxtra fer iisch mit schinär Chuchi öi no der Wäg uf Grechu in Agriff gnu het! (Merci!)
Nahm Üftritt hets leider scho nid zspat gheissu: Abschied nehmen vom Zirkuszelt, der Car fär heimzüä fahrt de gad ab! Und denu wa das nid glängt het (oder so), (und das sind schiients zimli äs paaru gsi), sind de halt mim erstu Car am halbi Sibni heim…
Z Fäschtji bi du Big Beans isch widär ämal die Bombe gsi!!! Merci tüüüüüsig fer ewwi Iladig und der flott Abu!
See you negscht Jahr z Täsch...
