03.03.2011 Feistä Frontag Zaniglas
So jetz is widär so wit: Vam Mittwoch bis am Donnstag Zmittag heiwär iischi Turnhalla in Zaniglas uf Mafia gipimpt ver z alljährlich Fäschtji am Feistu Frontag...
Im Namittag am 14.30h siwär mim Altersheim fer du Umzug gstartut. Ufum Platz vor dum OS-Schüälhüs hets de afa ämal ä paar Platzkonzärti mit Glüähwii, Berliner, Bier etc. gigä.
Witär is de äbri zer Halla gangu wa än Chinderdisco mit Guggumüsigkonzärtu vanu Blasbodubozä, du Cholufrässer und du Guferjoopini stattgfunnu het.
Na dä sägschu is churz nomal ans Üfpimpu gangu fer d Mafiaparty ämabu. Äs paar Chibla Konfetti heiwär scho zämugibrungu. (Ein Hoch auf den Erfinder dieser Dinger... Danke, chasch z negscht Mal sälber ga üfrümu!!!). Am 20.00h isch de der zweit Umzug vam Altersheim zer Turnhalla gstartut, und diräkt derna het iischi Party agfangu... Bis ämorgu am 03.00h hent d 6 Guggumüsigä, wa fer iischus Fäschtji der Wäg uf Zaniglas gfunnu hent und di Partygäst gepartiiet und gspillt. Äs flotts Fäschtji het äso schinä Leuf gnu.
Na dä Driiu het de der strengstusch Teil fer iisch agfangu: äs isch ans Üfrümu gangu. Bis am 08.30h heiwär z grebschta iner Halla fertig üfgrümts ka und der Herr Abwart het nisch bedächtig entlassen.... Na der Boduüfrümaktion am Namittag heiwärs de äntli gschafft!
Merci dä "Mit-und-ohni-Maschgini" und du Guggumüsigä fer d Stimmig! Iischu Hälfer danke villvillmal fer ewwä super Isatz!!!
See you am Samstag z Stalduriäd...
