Wiär hei nisch am 17.30h im Monte Rosa zu anama Aperöschen und zum Ispilu gitroffu. Zwischunddri het öi no der Töppers schinä Chäller präsentiert.
Nadem dasswär warmgitrüchti und igspillti si gsi, hei wer nisch uf du Wäg zum Grecher-Amadeus gmacht. Der isch mit iisch iner gregschtu Freid uf Ämbd gfahru. Är het sogar ä so än Gspass ka, dasär di grebru Kurvä gad zwei-driimal het gmacht... und der Tünnel hedär als Zugabe annärthalbmal gmacht... Danke für die Rückwärtsfahrt!!! Obana achu, heiwär zerscht ämal äs Momäntji d Halla gsüächt... isch halt nid so eifach, wennt müäsch lüägä, dasst niänä äbritroläscht... Treppen sei Dank isch aber nix passiärt und alli Joopini samt Instrumänt mit und ohne Redär hent irusch Ziel friäner oder speter gfunnu. Na denu Strapazä heiwär än Sterchig in Form va Älplermagggggronä spendiärt berchu. Dank denu Maggröns siwär derna voller Partypower gsi... und ab dri... Fer d Üslossig vanu Spilzitä heiwär gad churzerhand widär ämal än niwwä Präsi engagiert: Di Tuppa het schiends äs Handschi fer alls wa mit Chartä z tüä het, also hedär fer iisch Black Jack verloru...
Aber güät gmacht: Iischi Spilzit: 22.00h, äntli ämal nid dletschtu und zum Teil sogar no ä bitz niächtri! Yeah!!! - Coolä Üftritt gsi, und z Publikum isch eu der Hammer gsi!
Derna heiwär bis zum Schluss.... jaja, das wa immer halt...!
Öi der Stutz (grebrä Bärg) ämüf Richtig Carstopp-Parkplatz-Bähnlistation isch ohni Komplikationä verluffu, und keinä isch z Kalpetran glandut. Z Bähnli hed aber leider nu nid welllu fahru, also siwär de doch mim Bös heim. Will d Alexandra Geburtstag het ka, hets bi ira duheimu no äs mega genials Katerfrüähstuck gigä. Die Bombe :D
Merci dum Jugendverei va Ämbd fär d Iladig und das Bombufäschtji am Stutz!
See you am Friitag mim Petschi im Réserve...
