20.01-22.01.2012 Solothurn

Schlingel-lingeling Schlingel-lingeling heute kommt der Amadeus nicht... In der Not frisst der Teufel Brot und ischi Schlinglä z Salgesch Wii.

Nachera durchschlinglutu Nacht, is de am Samstag um 10.30h ändli richtig Solothuru gangu. Bis zum verladu z Goppustei heiwär ischi Schlingla där Ruben und där ober Schlingul Pädi miässu ischlinglu und öi fär där Flüssig Proviant heiwär nomal än Stop miässu schlinglu. Ah und nid z vergässu, öi där Ylmazji isch va da wäg öi än Schlingul gsi.

Bis wär um 15.00h z Sursee im Bowlingcenter si acho, sind no zimli gschlingluti Sache passiärt: Där Cuche het gigwunnu und där Didier isch där zweitu cho; där Beat het schi als füfta ins Ziel gschlinglut und där Feuz isch sägschta cho. Sogar där Silvan het där Zurbriggen uberholt. Nah du tollu leischtigä va iischu Schgiifahrer het öi där Fabio Karriere wellu machu - als Laufstegschlingel. Leidär oder zum Glick fär d Mänschheit het är schi in schinum sexy Outfit nid wohlgfühlt und het schi bald widär zrugverschlinglut.

Sobald das alli Schlingla (usser där Turbo Michi und där Xandi) di Bowlingschüäh agschlinglut heint, is mim negschtu Apero und dum bowlu witärgangu. Nach eis, zwei, drii, viär, füf... Fläsche Wii und ämu Power Nap va ischum Schlingul Fabio het iischa liäblings Chauffeur scho widär uf iisch gwartu.

Är het nisch de scho am 18.00h zum Fäscht gfahru wa ersch am 20.00h afa und de hets halt öi no nix z Ässu gigäht. Egal, wenn där Chauffeur scho nid fähig isch gsi äs Restaurant z finnu, heint das d Schlingla sälber ind Hand gno. Inera Pizzeria wa di Patron va där Eschulalpa isch cho, heiwär de tip top z Nacht igschlinglut.

Zahlu und gah... Das Fest - ein Schock! Alli Schlingla heint schich zersch ämal an die ungwohnt Partysituation, ohni Jägi, mit Wiskey wa wiä Chemie gschmeckt het und ära Kaffeebar, miässu gwännu. Bis um Mitternacht zär Geischterstund isch das öi du meischtu giglungu und wiär hei än güäta Üftritt gschlinglut.

Nah dum Üftritt heint d Schlingla mit iru speziellu Amachmethode d Frouwe in Verläguheit gschlinglut und du Grüäzini di ganzu Shots ewäg gitrüchu, öi där Kaffee isch zär Magelware wordu. Äs het de doch no glängt fär zwei Fläsche Schnappskaffe und än Bixa Rahm uf d Rückreis mitznäh. Um 03.00h heiwär de d Rückreis agschlinglut. Nah mu verschlinglutu Stop fär da Fabio (darum het iisch liäblings Chauffeur d fufzäh Stunduvorschrift nid ighaltu - nur wägs dem, will är het nähmli öi där ganz Abu im Car gschlafu und isch nid im Fäsch gsi!!) is de mit Rahm im Gsicht uber da chinesisch Pazifik, wa va Amerika nach Chinesien geit (gäll Manuel), Heim uf Zaniglas gschlinglut. Danke allu Schlinglä fär das Funny Weekend!!

See you am 27.01.2012 inär Mesireccas-Night z Raron...

x

Zurück

Seitenanfang